Kaludon (pe Καλυδών, Kaludôn en henc'hresianeg) zo ur polis kozh en Etolia, e kornaoueg Bro-Hellaz. War lez kornôk ar stêr Evinos emañ, en hanternoz pleg-mor Korintos.
Dont a ra hec'h anv eus hini an den he savas, Kalidon, mab da Aetolus ha Pronoe. Dimeziñ a reas da Eolia ha div verc'h o doe, Epikasta ha Protogenia.
Ur voger a 3 km a oa en-dro dezhi.
Gwelet e vez ar rivinoù anezhi e kêriadenn Evinochoro, war-lerc'h ar pont dreist ar stêr Evinos.
En akropolis e oa un templ bras, anvet Lafria, en enor da Apollon hag Artemisa.